2003-yilning 10-fevral kuni ertalab Afg‘onistonning Hilmand viloyatining shimoliy, tog‘li qismida joylashgan Lejay qishlog‘i tashqarisida to‘qnashuv yuz berdi. Qishloq Bag‘ron vodiysida joylashgan bo‘lib, Afg‘onistondagi sanoqli avtomobil yo‘llaridan biri u yerdan o‘tadi. Amerika razvedkasi tahlilchilarining taʼkidlashicha, qishloq afyun savdosining markazi hisoblanadi.
10-fevral kuni tong vaqtida qishloqqa yaqinlashayotgan mashinalar o‘q uzilayotganini xabar qilgan. Bunga javoban Amerika qoʻshinlari „Eagle Fury“ (inglizchadan tarjima: Burgut qahri) operatsiyasini tashkil qilib qishloqni oʻrab turish uchun yuzlab askarlarni safarbar qildi. Operatsiyada koalitsiyaning oʻnlab jangovar samolyotlari safarbar qilindi.